【「冇人欣賞你，我欣賞你！」，搵到個識欣賞自己廚藝既人好幸福】
其實好多人口裡說不，身體卻很誠實，就算係咁埋怨另一半要求多多，但依然唔介意付出，問題係對方會唔會當奉旨？又識唔識欣賞？好似煮野食咁，要一個人睇食譜、準備食材、洗菜、煮野食你估好易呀！所以如果搵到個識欣賞自己廚藝，了解自己背後心意既人，係件好幸福既事。
就好似《美女廚房》曾經有集直頭做左榜樣比大家睇，嗰集邀請左黃翠如做美女廚神，由佢同蕭正楠之間既互動就睇得出大家感情好好，隔住鏡頭都聞到甜味。
黃翠如為左蕭正楠劏魚又整魚粥，一切一切只係為左睇到心愛既人食得津津有味嗰個樣💪🏻雖然佢成日鬧蕭正楠，例如蕭正楠忍唔住窒佢：「叻喎，蠢唔曬。」，佢即刻反駁：「講咩呀你！」；去到試食階段，黃翠如甚至命令：「唔好再話我煮野食難食呀！」😂......但係明眼人都知唔係真心鬧，真係好中意大家既話，連句「走開啦！」、「阻住曬！」、「低b仔！」都好sweet。
好彩努力付出冇白費到，整羊膝嗰part真正感受到蕭正楠係一個好好既男朋友😍😭😭佢盡顯男朋友風範。首先佢明明未食就已經狂讚，之後問佢有冇批評既地方，居然唔怕比兄弟笑，當住咁多人面話「完美」，氹到翠如甜笑。始終黃翠如係第一次下廚，難免有啲驚，出到黎碟餸既味道認真麻麻，不過蕭正楠做足男朋友本份，除左公然讚女朋友廚藝，大講金句：「冇人欣賞你，我欣賞你！」，仲將羊膝食曬黎鼓勵佢。情侶間就係要互相鼓勵先可以走一輩子，見到蕭正楠咁支持自己，單單呢份心意已經令黃翠如感動到喊。
希望大家早日找到屬於自己既蕭正楠啦❤️
黃翠如 Priscilla Wong Edwin Siu 蕭正楠
Search